Шупашкар муниципаллӑ округӗн Ҫӗньял-Покровкăри Культура çуртĕнче шкул ачисене Шупашкарти профессиллĕ театр ĕçченĕсем пуçтарчĕç. Чăваш патшалăх академи драма театрĕн артисчĕ Сергей Владимирович Павлов Шупашкарти театрсемпе паллаштарчĕ, театрти профессисем пирки каласа пачĕ. Вĕренекенсем ăсталăх лаççинче (мастер-класс) пулчĕç, гримëр ĕçĕпе паллашрĕç, артистсем сцена çинче рольсене еплерех калăпланине те курма май килчĕ. Альберт Кудряшов иллюзионист ачасене хăйĕн фокусĕсемпе тыткăнларĕ. Хаваслă юрă, купăспа сĕрме купăс сассисем залра ларакансен кăмăлне çĕклерĕç. Пукане театрĕн артисчĕсем – пуканесем – ачасем патнех çывхарчĕç. Шкул ачисем  хăйсем те артистсен вырăнĕнче пулса курчĕç.