«Тăван чĕлхепе тăван литературăна чи лайăх вĕрентекен - 2024» конкурсăн муниципаллă тапхăрĕ Мăнал шкулĕнче иртрĕ. Конкурсантсем икĕ тĕрĕслев витĕр тухрĕç. Вĕрентекенсем тӗрлӗ класра уҫӑ уроксем пачӗç, класс сехечĕсем ирттерчĕç. Конкурсăн кашни тапхăрĕнчех вĕрентекенсен пултарулăхĕ, ăсталăхĕ çÿллĕ шайра пулни палăрчĕ. Вӗсен ӗҫĕсене сумлӑ тӳресем тимлерӗҫ. Конкурсантсем пӗр-пӗрин опычӗпе паллашрӗҫ, тӗрлӗ методика ҫӗнӗлӗхӗсене тишкерчӗҫ, чӑваш чӗлхипе литературӑна вӗрентес ӗҫри ҫивӗч ыйтусене сӳтсе яврӗҫ.