Шкултан вĕренсе тухсан ăçта çул тытмалла? Мĕнле професси суйласа илмелле? Ҫакăн пек ыйтусем аслă классенче вĕренекенсене кашнинех канăçcăрлантараççĕ. Лăп та шăп çaк ыйтусем çине хурав тупма пулăшрĕç те раштав уйăхĕн 6-мĕшĕнче Кÿкеçри Культура çуртĕнче Шалти ĕçceн министерствинче ĕçлекенсем шкул ачисемпе ирттернĕ тĕлпулура. 2024-мĕш çyлта абитуриентсен ăçта вĕренме кайма май пуррине палăртакан памяткăсем те пачĕç, Тăван çĕршыва хÿтĕлесси кашнин тивĕçĕ пулнине те палăртрĕç. Чăваш Республикин ШĔМ çумĕнчи "Талисман" ансамбль юррисем чуна тыткăнларĕç, кăмăла та хăпартрĕç. Юрăсем Тăван çĕршыв, символсем, патриот, пурнăç, хÿтĕлевçĕceм çинчен пулчĕç. Вĕренсе пĕтерсен тĕрлĕ программăпа усă курма май пурри çинчен палăртакан видеоролик та кăсăклă пулчĕ. Тĕлпулу вĕренекенсемшĕн усăллă пуласса шанас килет.