Мухтавлă ентешěмěр Н. Я. Бичурин ячě тěнчипех паллă. Китайра 14 çул пурăнса культурăпа йăла-йěркене тěпченě, монографисем çырнă, Раççей халăхě валли пысăк ěç туса хăварнă. Чи кăткăсси вара – икě çул хушшинче китай чěлхине вěренсе калаçма тата çырма пултарни. «Бичурин тата паянхи самана» музей йěркелÿçи А.В. Данилова Шупашкар районěнчи Мăналти пěтěмěшле пěлÿ паракан вăтам шкулта вěренекенсемпе мастер-класс ирттерчě, китай чěлхин вăрттăнлăхěсемпе паллаштарчě. Анастасия Валерьевна вěренекенсене саламламалли, сыв пуллашмалли сăмахсене вěрентрě. Çавăн пекех шкул ачисем хăш-пěр сăмахсене – иероглифсене – çырма вěренчěç, китай чěлхипе чăваш чěлхин пěрпеклěхěсене те тупса палăртрěç. Вěренекенсем пěр-пěринпе диалог йěркелеме те вěренчěç. Урок пуриншěн те усăллă иртрě.