Чăваш Республикин Пÿçлăхĕн хушăвĕпе килĕшÿллĕн 2022 çул - мухтавлă ентешсен çулталăкĕ. Шупашкар районĕнчи Мăналти пĕтĕмĕшле пĕлÿ паракан вăтам шкулта çу уйăхĕн16-мĕшĕнче линейка Раççей гимнĕпе пуçланчĕ.  Ун хыççăн 7-мĕш класра вĕренекенсем мухтавлă ентешсене халалланă логотипа кăтартрĕç. Çавăн пекех Чăваш ен картти çинчи паллă çынсен сăн ÿкерчĕкĕсем те вĕренекенсемшĕн кăсăклă пулчĕç. 7-мĕшсем мухтавлă ентешсен паллă ĕçĕсем çинче те чарăнса тăчĕç, информаципе паллаштарчĕç.