«Мухтавлă ентешсем умĕнче çĕре çити пуçа таятăп» наукăпа практика конференцийĕ иртрĕ. Вĕренекенсем чăваш халăхĕн мухтавлă ывăл-хĕрĕн пултарулăхĕпе паллаштарчĕç. Шкул ачисем писательсемпе поэтсем, космонавтсем, учёнăйсем, артистсемпе юрăçсем пирки пуян материал хатĕрленĕ. Чăваш халăхĕн ятне çÿллĕ шая çĕкленĕ паллă çынсем çинчен вĕренекенсем хавхаланса каласа пачĕç, презентацисем кăтартрĕç. 3-мĕш класра вĕренекен Д. Московцев Н.Бичурина халалласа çырнă «Иакинф аттене» ятлă сăввине вуласа пачĕ.