Шупашкар районĕнчи Мăналти пĕтĕмĕшле пĕлÿ паракан вăтам шкулта 7-мĕш класра вĕренекенсем ашшĕ-амăшĕ тата класс ертÿçипе пĕрле тĕп хуламăра экскурсие кайса килчĕç. Ачасем А.Г. Николаев палăкĕ умĕнче пулчĕç, ун ячĕпе хисепленекен урампа утса киленчĕç. Мухтавлă ентешĕмĕр ячĕпе хисепленекен ача-пăча паркĕ те хăнасене хапăл туса кĕтсе илчĕ. А.Ю. Московцева каласа панă информаци пуриншĕн те интереслĕ тата усăллă пулчĕ. Тĕнче уçлăхне икĕ хутчен çĕкленнĕ паттăр ячĕ вĕренекенсен чун-чĕрине тĕлĕнмелле асамлă вăй, çĕнĕ варкăш илсе кĕчĕ. Ҫунат хушнă ачасем паркра коньки çине тăрса пĕр-пĕринпе ăмăртса ярăнчĕç. Экскурси, паркра уçăлса çÿрени ачасен сывлăхĕшĕн усăллă пулчĕ

А.Ю. Московцева