«Художниксен кунĕ». Çакăн пек ятпа иртрĕ 1-6 классенче вĕренекенсем хушшинче вуланă хайлавсем тăрăх тунă ÿкерчĕксен конкурсĕ. Вĕренекенсем çак конкурса хаваспах хутшăнчĕç. Ачасем тĕрлĕ хайлав – юмах, сăвă, калав – чунтан юратса вулани палăрчĕ ĕçсенче. 1-мĕш класра вĕренекен Калишова Викторийăн, 2-мĕш класран – Ефимов Денисăн, Николаева Олесьăн, Сорокина Викторийăн, Мелидова Аринăн, 3-мĕш класран Филиппова Кирăпа Васильева Эвелинăн, 4-мĕшĕнчен Калишова Дашăн ĕçĕсене сумлă жюри членĕсем пысăк хак пачĕç. Вĕсен ĕçĕсем пур енĕпе те тивĕçтерчĕс жюрисене.  7-8 классем хушшинче «Тупăшар-и?» ятпа ăмăрту иртрĕ. Хутшăнакансен чĕлхе, литература, фольклор, халăх ăç-хакăлне те пĕлмелле пулчĕ. Тавçăруллисем кулăшла ыйтусем çине чи малтан тĕрĕс те тулли хуравсем пачĕç. «Чĕкеçсем» (8 класс) чи нумай балл пухса «Кукăльсем» (7 класс) ушкăна çĕнтерчĕç.