«Чăваш Республикин наци символĕсем» ятпа 1-11 класра вĕренекенсем хушшинче калаçу иртрĕ. Гимн кĕвви янраса кайсанах пурте ура çинет тăчĕç, кĕвĕпе пĕрле юрă сăмахĕсене те шăрантарчĕç. Чăваш енĕн гербĕпе ялавĕ çинчен 8-мĕш класра вĕренекенсем презентаци кăтартрĕç. Наци символĕсемпе  ÿкерчĕксен конкурсĕ те иртрĕ. 7-мĕш класра вĕренекен Самойлова Аринăн гербĕ пĕрремĕш вырăн йышăнчĕ, Илларионова Анастасия (7 класс) наци ялавне ÿкерсе çĕнтерÿçĕ ята тивĕçрĕ.