9 тата 11 класра вĕренекенсем хушшинче «Мĕн? Ăçта? Хăçан?» ятпа турнир иртрĕ. Тăван литература, чĕлхе тата культура предмечĕсемпе çыхăннă ыйтусем пулчĕç. Чи нумай хурав параканĕ тата тавçăрулли 11-мĕш класра вĕренекен Филиппова Ксения тесе палăртрĕç жюри членĕсем. Ыйтусем çине чи нумай хурав параканĕсем вун пĕрмĕшсем пулчĕç. Саламлатпăр! 1-11 классем хушшинче «Тăван чĕлхе – чăваш чĕлхи» ятпа сăвă, калав çыракансен конкурсĕ иртрĕ. Ачасем хăйсен ĕçĕсенче тăван чĕлхе атте-анне чĕлхи, чи çепĕç те ачаш, юратнă чĕлхе пулнине палăртрĕç. 5-мĕш класра вĕренекенсем тăван чĕлхене чи юратаканнисем пулни палăрчĕ. 7-мĕш класра вĕренекен Екатерина Яковлевăн сăвви чи янравли. Сăвăсем шкулта тухса тăракан «Хунав» хаçатра кун çути курĕç.