2016 çул – Ĕç çыннин çулталăкĕ пулнă май шкул ачисем хушшинче наукăпа практика конференцийĕ иртрĕ. Вĕренекенсем тĕрлĕ темăпа тухса калаçрĕç, хăйсене кăсăклантаракан ыйтусене хускатрĕç. 8-мĕш класра вĕренекен Таня Ласточкина «Ĕç çынна илем кÿрет» темăпа доклад турĕ. Ачасене ĕç çинчен калакан ваттисен сăмахĕсем туптарчĕ, ĕçрен хăрамалла мар, ĕç кăна çынна илем кÿрет тесе палăртрĕ. 11-мĕш класра вĕренекен Алексей Московцев хăйĕн сăввисене вуласа пачĕ, доклад теми «Çăкăр пирки пĕр-икĕ сăмах…» ятпа пулчĕ. 6-мĕш класра вĕренекен Виктория Калишова Алексей Воробьёв çырнă «Çăкăр» сăввине вуласа пачĕ.