Ака уйăхĕн 17-мĕшĕнче И.Н.Ульянов ячĕпе хисепленекен Чăваш патшалăх университечĕн Чăваш филологийĕпе культура факультечĕ республикăри тата тулай чăваш ачисем валли «Ăслăлăхри пĕрремĕш утăмсем - 3» ятлă наукăпа практика конференцийĕ ирттерчĕ. Конференцие 9-11 класра вĕренекенсем хутшăнма пултарчĕç. Пурĕ тăватă секци ĕçлерĕ:
- Чăваш литература пĕлĕвĕн тĕнчи
- Чăваш чĕлхи пĕлĕвĕ
- Тăван ен культури
- Культура Чувашии: история и современность.
Мăналти пĕтĕмĕшле пĕлÿ паракан вăтам шкулта 10-мĕш класра вĕренекен Захарова Зина «Чăваш чĕлхи пĕлĕвĕн тĕнчи» секцире «Тăван чĕлхене юратса вĕренмелле» темăпа тухса калаçрĕ. «Чăваш литература пĕлĕвĕн тĕнчи» секцире 11-мĕш класра вĕренекен Московцев Владислав «Илемлĕ сăнарлăх тĕнчи» темăпа I-мĕш степеньлĕ диплом çĕнсе илчĕ.