Чÿк уйăхĕн 24-мĕшĕнче И.Н. Ульянов ячĕпе хисепленекен чăваш филологипе культура факультетĕнче  чăваш халăх поэчĕ Я. Г. Ухсай çуралнăранпа 100 çул çитнине анлăн уявларĕç. Çавна май республикăри 10-11 класра вĕренекен ачасен хушшинче сăвăсен конкурсĕ иртрĕ. Вĕренекенсем хăйсен пултаруллăхне икĕ номинацире кăтартрĕç: Ухсай сăввисене илемлĕ вуласси  тата ачасен хăйсен сăввисем.

11-мĕш класра вĕренекен Владислав Московцев Ухсай Яккăвĕн «Кавăн хуппи» сăввипе хутшăнчĕ. Сумлă жюри членĕсем Владислав пултаруллăхне çÿллĕ шайра хакларĕç. Конкурсран  Владислав  I-мĕш  вырăн йышăнса таврăнчĕ.